{ SKIP }
文:MenClub Mean娜  圖:互聯網
POSTED ON 07 Jan 2016

新一年要過肥年?啋!聖誕嗰期經過怒食、喪食、勁食同係咁食食食食食之後,已經肥L咗好多!新一年你仲想我再肥啲?!咁Mean娜仲使出嚟行嘅?!2016年首要目標當然係減肥吧?不過~食埋呢餐炸髀薯條再講啦,正所謂唔食又邊有力氣減肥呢?(好似係)

有冇人覺得以上呢個情況同對白,好似無限輪迴咗2046次?明知道炸髀薯條、火腩、汽水、芝士呢啲嘢勁肥,但就係忍唔到口,一次又一次咁催眠自己︰食埋呢次就減肥……結果到現在都係減唔到肥,仲係肥人一名。不過唔怕!因為外國有人研究到一種疑似幾work嘅忍口方法,就係「對住塊鏡食肥嘢」



中央佛羅里達大學嘅行銷學教授Ata Jami進行咗一個實驗,佢搵咗185個學生入去兩間房內品嚐食物。一間房裡面有鏡,一間就冇鏡,而佢哋都必須喺兩間房內食兩樣同樣嘅食物,一樣食肥爆嘅朱古力蛋糕,另一樣就係健康嘅水果沙律。結果研究發現,大多數實驗者望住鏡入面嘅自己食朱古力蛋糕時,都會覺得蛋糕好似突然變得冇咁好食,但對住鏡食沙律又冇咩差別。

Jami分析,人會透過鏡去評估自己嘅外在,例如會唔會太肥或者太瘦等等,所以當見到鏡中嘅自己食肥嘢時,潛意識會有種罪惡感,覺得食物都變得冇咁好味。不過前提係你要認定你食嘅係「肥嘢」/「對你唔好嘅食物」,先會產生排斥感覺,如果係食健康食物,就唔會有呢種感覺。而且食嘅時候,唔可以有其他人陪你食,如果唔係就好易受影響。

另外,對住塊鏡食肥嘢其實只係令人覺得冇咁好胃口,而唔會令你變得唔鍾意食垃圾食物,但假如持之以恆,每次食肥嘢都會冇咗以前嘅喜悅,逐漸就會少啲食。

但係……阿教授……如果好似Mean娜咁,覺得食肥嘢嘅自己都好可愛,咁仲有冇咩方法可以忍口唔食零食呀……


最近美國時裝品牌American Eagle邀請到Sydney Sweeney拍攝新廣告,引起強烈迴響,更一度刺激公司股價急升12%。但與此同時,廣告宣傳口號因為玩食字而惹來爭議,被批評宣揚白人至上主義。 American Eagle ...
hobby
【影視】Sydney Sweeney時裝廣告玩食字 被批宣揚白人至上主義
30 Jul 2025
隨住AI生成工具進步及普及,網上充斥住愈來愈多AI生成假圖及假片,而且效果仲要幾何亂真。為研究人類能否分辨AI圖像,微軟做咗項大型實驗,吸引全球超過12,500人參與,總共進行了大約287,000次圖像辨識。結果顯示, ...
tech
【科技】微軟研究發現:人類分辨AI圖像成功率僅62%
30 Jul 2025