{ SKIP }
文:MenClub Mean娜  圖:互聯網
POSTED ON 26 Jan 2016

人人體質都唔同,有啲人一撻落床就即刻瞓到死豬咁,叫極唔醒,一覺瞓到大天光;但有啲人就偏偏相反,喺床度典嚟足成個鐘都瞓唔著,好難得瞓著又會小小事成日醒,瞓咗成晚都好似冇乜點瞓過,結果第二朝太攰唔知醒,成日懵盛盛,影響工作表現。


如果你係第一種體質,真係恭喜晒,因為想有覺好瞓真係唔容易。Mean娜就屬於第二種體質,成日都瞓得好差,所以經常尋求令自己好瞓啲嘅方法,今次就畀我搵到瞓覺前嘅注意事項,希望多少可以改善睡眠質素啦。



大家都知道咖啡因有提神作用,所以想容易瞓著,瞓覺前幾個鐘都盡量唔好攝入咖啡因,一來會影響睡眠質素,二來都會影響第二日嘅精神狀態。另外如果真係成日失眠,可以試吓瞓覺前飲適量嘅紅酒,除咗可以放鬆個人易瞓啲,小酌紅酒仲可以降低心臟病以及中風風險,仲可以增加骨骼強度。不過要注意唔好飲太多,太醉一樣會瞓唔好架。


瞓覺時最好避免思考,雖然好困難,但如果瞓前仲胡思亂想,就會令人愈諗愈清醒,好難瞓得著。建議瞓覺前一個鐘開始調整自己嘅思緒,等個人身心都冷靜落嚟,個腦慢慢放空,等心情穩定就會好瞓好多。


好多時瞓得唔好,臨天光先完全熟睡,結果起身時就唔知醒勁難離開張床。雖然好多人為咗有覺好瞓,會用用窗簾阻擋任何光線,但其實如果間房完全唔透光,反而冇辦法令你意識到已經天光,係時候起身,就好似要你半夜瞓瞓吓夾硬起身,自然辛苦好多啦。


好多人都會驚較得一個鬧鐘冇辦法即刻醒到,於是提早時間,每隔一段短時間就較一個鬧鐘,但其實咁樣間斷小睡並唔會好啲,因為提早嘈醒咁多次,會影響睡眠,加上當下好好難可以瞓返,所以與其提早被騷擾又瞓唔好,不如完整啲一次過起身好過。


經典驚慄片系列《死神來了》相隔14年後強勢回歸,第六部曲《死神來了:血脈(Final Destination:Bloodlines)》上周在全球各地陸續上映,無論票房定口碑都破晒系列紀錄,遠超歷來任何一集! 據票房統計 ...
hobby
【影視】《死神來了:血脈》全球首周房票破1億美元 爛番茄評分高達93%成系列最佳
19 May 2025
由Christopher Nolan執導嘅史詩鉅作《The Odyssey(奧德賽)》預計在明年夏季正式上映,除咗演員陣容星光熠熠,更會創下影史首例,成為世上第一部全程採用IMAX菲林拍攝嘅長篇電影。 最近IMAX總裁Richard G ...
hobby
【影視】全程使用IMAX菲林攝影機拍攝!Christopher Nolan新作《The Odyssey》創影史首例
19 May 2025