成為了登上懸崖峭壁的房子真．懸崖屋

文：MenClub 魏文青　　
POSTED ON 23 Mar 2016

細細個讀書都有教「香港山多平地少」，所以土地供應有限，所以起唔到好多樓(但有高爾夫球場同廢車場)，所以你冇屋住。咁究竟山邊又係咪真係起唔到樓呢？香港嘅山邊就唔知，但冰島嘅山邊貌似就可以起出以下呢幢真係「懸」喺個懸崖到嘅屋啦！

設計師Alex Hogrefe乃係美國設計公司「Design Distill」嘅創辦人之一，平時嘅工作大多係將建築師嘅設計以漂亮圖像展示出黎－－即係你睇嘅新盤海報嗰句「純屬畫家對有關項目之想像」呢？不過今次呢間懸崖屋就係佢自己由零設計。睇返佢嘅個人網誌，一切係由上年11月佢諗住介紹下地形與建築設計之間嘅關係，但整下整下就真係畫哂成間出黎，最後再配上喺冰島某個懸崖嘅相，就成為咗上面呢個設計啦。

除咗外觀，Alex都有畫埋內部設計出黎。大量使用玻璃除咗確保採光，仲可以將成個海景一覽無遺，都真係幾有型。不過就算佢唔係設計概念，起到出黎都唔關我事啦。「登上懸崖峭壁的房子」喎，真係要武則天先住到架！
visualizingarchitecture.com