iPhone case 玩咗咁耐，都仲係層出不窮，都唔知有幾多廠商因為佢發達，不過多還多，玩重口味嘅就真係少之又少，所以第一眼見到呢個貌似瀨尿蝦嘅 case，真心覺得有驚喜，不過之後先發現原來係等足目，它屬於一目甲殼類（講你都唔明），一種外貌非常非常嘔心嘅生物。

而家，你只需要俾 80 USD，就可以買得到呢個咁精美嘅 case，全世界得 500 個㗎咋！好明顯係日本出啦，可惜上網未有得賣。嫌拎出街太激？索性當電話座用，放喺office嚇人一流！