ALS協會就發聲明表示，研究人員發現ALS同一種名為NEK1嘅基因有關，為「漸凍人症」研究取得重要突破！

由兩位本身患有ALS嘅創業家Robbert Jan Stuit同Bernard Muller發起嘅大數據分析研究計劃Project MinE發現，ALS患者有好多種唔同嘅NEK1基因突變，而罹患ALS嘅機率，可能同呢啲突變好大關聯。

由於ALS患者分為有家族史同無家族史，所以科學家認為部分患者罹病可能同基因有關。於是Project MinE就分析大量有ALS同冇ALS嘅人嘅基因體，從而搵出兩者關係。結果發現，有3% ALS患者有「NEK1」基因突變，當中不限於有家族史嘅患者。而「NEK1」基因變異，會導致細胞骨架、調節線粒體等等相關功能喪失。

雖然研究有新發現，但多達四成家族性ALS患者同大多數孤立型ALS患者嘅患病成因仍然未知，需要科學家繼續努力作進一步探究。