上集《復仇者聯盟》（The Avengers）連外星人都打走埋，咁2015年5月先上嘅《復仇者聯盟2》（The Avengers: Age of Ultron）仲有咩可以講？

原來一切都係源於Tony Stark （即係人稱荷里活郭偉亮嘅羅拔唐尼Robert Downey, Jr.）嘅一個發明。話說經歷上集與洛基同齊塔瑞（Chitauri）人的一戰，神盾局被毀，所有英雄都想稍作休息。於是，Tony Stark發明咗Ultron──一個有自我、會自學的人工智能程式，率領「鋼鐵軍團」（Iron Legion，即係佢個盔甲兵團）對抗壞人。

但係擁有高智能卻缺乏人性的Ultron，好快就得出結論──「地球的一切問題都是源自於人類」。為了保護人類，佢決定剷除人類，亦因Ultron不是實體，因此，如何對抗佢就成了大問號，這亦是整套《復仇者聯盟2》的主線…

睇到呢到，係咪覺得啲劇情好熟口熟面呢？呢個Ultron係咪同你印象中有個叫Skynet、會派阿諾舒華辛力加穿梭時空殺人嘅人工智能好似樣呢？佢又有冇令你諗起另一個叫「Vicky」、掌握一堆白色機械人、最後比Will Smith啪左一針啫哩狀「納米機械人」而停止嘅人工智能呢？

同樣嘅套路其實用過好多次，咁點解你今次都仲要入場睇？除左上集嘅六位英雄，今集仲加入「快銀」（Quicksilver）同「緋紅女巫」（Scarlet Witch）兩個新英雄，仲加入韓星金秀賢（唔鬼係《來自星星嗰個喎！多謝讀者提點！），實行中西通殺。不過，講到尾，總之見到「Marvel」你都買飛入場㗎啦，扮咩啫你！