當中最大改動係打通多幅間隔牆，將本來頗為零碎嘅空間變成一個大廳，再加上3.6米高嘅樓底，營造超大空間感。另外喺廳嘅一邊就有同天花一樣高嘅「書櫃牆」。點解要睇咁多書？因為書中除咗有黃金屋，仲係睡房。只要打開其中一格書櫃，就可以進入主人套房。另外如果主人家想生小朋友，只要再作簡單裝修，就可以改建為三睡房格局！呢啲咪就係「可持續發展」囉！