幾日前嘅Comic-Con，其實已經公佈過《哈比人》最終章預告…嘅預告㗎嘞！但見佢唔係太特別，所以無特登介紹。今日新鮮滾熱辣登場嘅完整版預告就唔同講法啦！

兩分鐘嘅預告入面，有惡龍、有長征、有地洞、有甘道夫、有矮人、有精靈、有獸人、有追逐、有大戰！睇嚟Peter Jackson嘅魔戒最終回唔會令我地失望咁喎！

再送埋佢地公佈左嘅兩張海報比你地！雖然話第一次出現由Benedict Cumberbatch聲演嘅史矛革全身照係好令人振奮，但係由Martin Freeman 飾演嘅Bilbo咁有型我真係第一次見！矮，又有咩好怕喎！