{ SKIP }
文:MenClub 魏文青  
POSTED ON 07 Dec 2016
依家我哋去旅行,好多人就會揀坐飛機去外國,而且為咗慳返啲錢,就算要坐頂哂膝嘅廉航都唔介意,其實講到尾都係因為香港冇嘢好玩啫!反觀日本人就一向鍾情國內旅遊,同時國內亦有好多嘢畀佢哋玩。你鍾意窮遊逼電車又得,坐火車富貴遊都得!例如非常著名嘅「黃昏列車」就係好例子啦!


「黃昏列車」由1989年開始行走大阪同北海道最大城市札幌,往返全程需要22個鐘,所以係一列臥鋪特急黎,亦係日本行車區間最長嘅一程車。不過去到2015年,因為車體老舊,「黃昏列車」就宣佈停運。西日本JR隨即就宣佈會將「黃昏列車」呢個牌頭轉型為豪華列車,改名做「黃昏列車瑞風號」!近日佢哋就開放預售票,同時公佈更多資訊,咁大家就黎睇下呢架被稱為「移動高級酒店」嘅列車有幾靚啦!


瑞風號將會行走京都、大阪再到下關,而且來回路線會分別經過山陰、山陽,如果根據官方提議,玩足全程要三日兩夜,途中會經過瀨戶內海、宍道湖、大山等等景點,所以風景係一定會靚,但更靚嘅可能喺架車本身。外殼用咗一種名為「瑞風綠」嘅顏色,以配合周遭嘅風景,再加上金色點綴,車頭設有觀景台,等你飽覽180度無敵靚景。

而十卡列車就有五卡係睡房,包括套房、雙人房同單人房,總共可以載到30人,套房仲有浴缸!頭尾兩卡係觀景車卡,等大家可以坐住黎欣賞山陰山陽嘅景色。整體裝潢就以二、三十年代風格為主,同其他日本特色列車一樣,物料都用上途徑路線嘅特產。


佔據一整卡嘅套房

雙人房

餐卡

休息卡


瑚風號要去到下年6月17日先起行,但如果要預定,就要喺1月31日之前以郵寄方式報名,二月下旬抽籤完成後畀錢,所以要報就要把握時間啦。
Twilight Express Mizukaze


早前有報導指,老牌動作片商Millennium Media正籌拍《第一滴血》前傳電影《John Rambo》,並搵嚟新生代男星Noah Centineo飾演年輕版John Rambo。雖然史泰龍(Sylvester Stallone)未有參與該項目,但佢最近受訪時透 ...
hobby
【影視】史泰龍曾考慮用AI減齡 自導自演《第一滴血》前傳電影
21 Sep 2025
荷里活名導馬田史高西斯(Martin Scorsese)已確定下部執導作品,今次佢將首度挑戰靈異恐怖題材,並邀請到Leonardo DiCaprio同Jennifer Lawrence主演。 據外媒《Deadline》報導,呢部新作將改編自美國作 ...
hobby
【影視】馬田史高西斯籌拍恐怖新作《What Happens At Night》 Leonardo DiCaprio與Jennifer Lawrence聯手主演
19 Sep 2025