{ SKIP }
文:MenClub 魏文青  
POSTED ON 27 Mar 2017
睇電視都有教,為咗你嘅子女,要留低一份心意,而唔係負擔。不過呢篇嘢唔係叫你買保險,因為有好多嘢係保險都係唔包,例如遇上世界末日咁,到時你要留低嘅就唔係頤安保,而係呢架「KiraVan」。


「KiraVan」由Applied Minds推出,佢哋本身係推出各種野外探險使用嘅戴具,後來因為主設計師Bran Ferren嘅囡囡Kira出世,而佢又想設計一架可以帶埋囡囡去極端地方探險嘅載具,於是就得出咗呢間KiraVan。一睇到要「帶小朋友去極端地方探險」,你就知道呢架唔係普通越野車。Mercedes UniMog嘅底盤再加上自製車身,再埋後面嘅特製拖卡,可以於-35度至55度嘅環境之下使用。動力部份為一台Benz自家製Turbo柴油引擎,馬力260匹唔算多,但扭力700ft-lb就足以推動總重51000磅嘅車身。平時係四輪驅動,但必要時可以用液壓驅動推埋拖卡尾轆成為六輪車。


因為有個650L嘅油缸,所以入滿一次油可以行超過3000公里,車上面可以容納三個人,再加上三個人三個人所需嘅食物、飲用水以及其他日用品。飲用水方面,車上面有一個560公升嘅水缸,附送一個微粒、陶瓷銀抗菌、活性炭加紫外光過濾器,等你收集雨水或者其他淡水,如果你附近淨係得咸水佢都有個反滲透(Reverse-osmosis)過濾器過你——唔好問我係咩黎,總之就Work啦應該。


車上面仲有兩個25k watt嘅柴油發電機,再加兩個高流電池組加一抽太陽能版。點解要咁多電?因為車上面有電腦、無線上網、多個使用不同頻寬或衛星嘅通訊系統。講起衛星,大家平時揸車可能都會用下GPS,但呢架車有四架GPS,分別係用美國GPS、俄羅斯GLONASS、歐洲Galileo同中國北斗衛星,就算所有衛星都收哂皮,佢都仲可以用慣性測量單元(Inertial Measurement Unit)測定位置。


黎到第五段,但係架車仲有嘢講。就算車外面黑哂,佢內置都仲有一堆光學成像功能,分別用可以可視光、夜視、再加紅外線探測車外嘅環境。而車入面嘅環境都相當唔錯,有廚房、雪櫃、廁所再加起居室,仲有張床添。


雖然Bran就冇話呢架車係整畀佢個女用黎應付世界末日用,但以上種種嘅設備根本就已經超出正常人喺正常「探險」會用到嘅程度。一方面可以睇得出佢嘅製作技術,一方面都感受到佢有幾錫個女啦!
Kiravan
繼2015年《The Martian(火星任務)》大獲成功後,原作者Andy Weir所撰寫嘅另一部暢銷小說《Project Hail Mary(末日聖母號)》亦被搬上大銀幕。荷里活型男Ryan Gosling將飾演一名初中老師,為拯救人類獨自踏上太空 ...
hobby
【影視】科幻電影《Project Hail Mary》公開首部預告!Ryan Gosling為拯救全人類獨自上太空
01 Jul 2025
最近著名Apple分析師郭明錤透露,Apple計劃在2025年底或2026年初量產一款全新平價版MacBook,預計會搭載iPhone 16 Pro同款嘅A18 Pro晶片。若然消息屬實,將會係Apple首次將主要用在iPhone嘅A系列晶片應用到MacBook, ...
tech
【科技】消息指Apple將推平價版MacBook 搭載iPhone 16 Pro同款晶片、最快年底量產
01 Jul 2025