如果大家好記性，或者會記得我地早前曾經報導過一段叫《眼睛想旅行兩分鐘遊巴塞隆拿》的片，用上縮時攝影（Time Lapse）技術同大家遊覽巴塞羅那的各個景點。

該片的攝影師Robert Whitworth近日又有新作品，今次在得到北京的「高麗旅遊」協助下，聯同開創「城市品牌管理」的JT Singh踩入世界最封鎖的國家－北韓首都平壤拍攝。

講起「平壤」同「北韓」，除左記得佢地聲稱曾經派人喺夜晚登陸太陽、同聲稱撃敗中國進入世界決賽對葡萄牙之外，可能有好多人都同我一樣對佢地毫無印象。雖然呢條片開宗名義地不准拍攝任何建築場地、軍事設施和未開發地方，但睇完之後，你又會唔會同我一樣，覺得平壤作為一個城市，其實都幾靚呢？

Enter Pyongyang from JT Singh on Vimeo.