港股今年係威係勢，由年頭的22,000點起步，愈升愈有，近日更高見28500點，不但超越了兩年前港大時代的28000點，更創下十年新高！股市一片暢旺，很容易沖昏股民的頭腦，不自覺地加大注碼、提升風險胃納，怕只怕一旦市況逆轉，失去理性的股民會走避不及，辛苦賺來的盈利要回吐出來。所以，在最亢奮之時，也別忘記投資初心！

升升跌跌乃不變定律

「個市唔係升，就係跌！」廢話一則，卻是事實。記得2016年年頭，國內推行熔斷機制，令港股跌至金融海嘯後的新低，但兩年未夠，港股已反彈並創下十年新高。馬後跑咁講，市場跌完就會升，咁升完當然會跌，股民記得鎖住盈利，別貪婪過度，面對跌市時走避不及。

投資不會次次準確

今年大升市，當然是十個股民九個賺錢，但任何一套投資方法，都不會百分百準確，所以，無論今年賺幾多都好，都要謹記市場永遠是難以準確預測，千萬別完全相信自己的判斷，要有接受估錯市的心理準備，亦正因如此，買股票切記不要孤注一擲，通常訓身的結果是輸身家。

自己才是投資專家

每逢牛市，總有很多股神、股霸、股魔浦頭，獲傳媒追捧，細數自己如何厲害，賺了幾多十倍回報。投資從來都是自己事，只有自己在實戰中不斷吸收經驗，磨利寶劍，自會有適合自已的投資心法。人家賺錢多乃人家事，千萬別眼紅他人而急於求勝，因為相信他人而招致損失，是真輸，但輸在自己手裡，賺到的是無價的經驗值。

賺了唔好使凸番

投資初心，是希望藉著投資錢搵錢，增加財富，實行理財計劃，希望達到賺務自由。因此，今年賺到錢，應該繼續以平常心對待之，好好運用所賺，繼續做好投資理財，營造更豐厚的複式回報。別因為錢多了，就覺得可以一嘗榮華富貴，改變原有生活習慣，將盈利全數拿來享樂。