新年新目標，除非你係本文青呢類深信計劃總跟不上變化嘅人，否則你好應該有為自己立下一個2015新目標。目標可能是減肥、學一門外語、溝一條新女(當然前題係你依家有條女)，又或者你可以學吓「掌管」住全球三份一人口的facebook創辦人Mark Zuckerberg咁，決定搞返個「讀書會」。

所謂「讀書會」就即係一班志同道合的書友坐低一齊討論關於書籍話題的興趣小組。實際上的運行就同你睇完最新一集《One Piece》然後同朋友討論劇情一樣。但作為facebook創辦人嘅Zuckerberg又點會係睇《One Piece》呢？，是由前世界銀行財長Moisés Naím所著的《The End of Power》，聽個名都知唔係小兒科啦！

唔好以為依家廿一世紀，一天都係飛機、一街都係電腦，睇書就好Out。自從上個星期六他就在專為今次的2015目標而設立的FB 專頁中公佈消息之後，《The End of Power》在Amazon上已經火速賣清！Zuckerberg早前曾經講過讀書會每兩個星期就會換一本新書，咁我哋又期待下一本係咩啦！

希望唔會係《習近平選集》啦。