玄火 - 可能係你唯一仲睇曼聯的理由

文：MenClub 玄火　　
POSTED ON 28 Nov 2019

所謂「我不入魔道，又誰入魔道」，曼聯經過上季四大皆空，今季仍然未有起色，現時聯賽排名仲低過升班馬錫菲聯，作為球迷都真係唔知有咩好睇。嗱，呢個女仔，就可能是你唯一仲會走火入「魔」的理由！

今年27歲的魅力女生Kirsty Shelts，最近剛進入曼聯電視台工作，成為今季英超主播潛力股。她生於倫敦，勝在眼仔碌碌、金髮秀麗、笑得夠甜、身材標準，多角度狂loop依然算嫩口。IG粉絲約1萬左右，現在開始follow，有心不怕遲。 Kirsty絕對不是空心花瓶，2014年以同系最佳成績畢業於史丹福大學新聞傳播系，18歲曾為《天空體育》YouTube頻道報道欖球賽事，早已踏上主播之路。她本身對運動也充滿熱情，10歲起已經日游夜游加入校隊，每日朝早4點就起身受訓，呢個時間睇怕很多男生仍在睇緊愛情動作片。

升上中學，小妮子已成為校隊隊長，並轉玩高爾夫球和網球，參加過多項地區比賽，更在15歲那年，躋身冬季兩項(滑雪+射擊)的英國國家隊集訓，一度殺入全國前10位，因而首次獲得BBC電視訪問。當時的她大概發夢也沒想過，12年過後的今日會由受訪者成為訪問者，但她的足球主播之路其實並不平坦。2014年大學畢業後面試水晶宮電視台主播，可惜鎩羽而歸，不敵身材更有曲線的Chris Grierson。不死心下進入了電台做資料搜集員，從而轉折地跑入了公仔箱。 Kirsty畢業前做過售貨員，賣的又是體育用品，似乎命中注定離不開體壇。身高5呎8，擁有一雙迷人藍眼睛的她也從不收埋美好身段，做過Ten Club London內衣模特兒，絕對是睇得又講得的表表者，亦大概是今年曼聯「表現」得最好的一環！