美國總統特朗普於上年11月曾簽署行政命令，禁止與中國國有或與軍方有關嘅企業於美國投資，於是12月31日，紐約文易所就宣佈會將中國三大電訊商中聯通、中移動、中國電信除牌。點知過咗個新年假，紐交所突然就黎個「破冰轉身」，宣佈無意除牌三間中國電訊商。

12月31日紐交所宣佈將三大中國電訊商除牌，仲話最快於1月7日至11日期間就會完成程序，甚至連外國媒體喺唔夠24個鐘前都仲講緊退市會有咩影響，點知放完個假返黎紐交所就話唔會再繼續有關嘅除牌程序，三大中國電訊商能夠繼續上市及交易，並會評估特朗普總統嘅行政命令對中國三大電訊商嘅適用性，比女人心更加變幻莫測。

據《BBC》引述Oanda分析師Jeffrey Halley估計，紐交所一開始就唔想將三間中國電訊商除牌，12月31日宣佈會開始除牌程序只係為咗應付特朗普總統嘅行政命令，但佢就冇解釋到點解紐交所嘅表面態度要轉得咁快咁急。

圖片：AFP

三大中國電訊商除咗於紐約上市外，喺香港亦有上市，而消息傳出之後，三大電訊商嘅香港股價都上升5%-6%。