上年因為肺炎打擊全球經濟，唔好講過年尾加人工，到年尾都仲有份工對好多人黎講都已經心滿意足。不過我哋冇得加唔代表人哋都冇得加，據報Apple CEO Tim Cook上年逆市加近30%人工，出咗份近1500萬美金嘅糧！

卻說Apple最新公佈2020財政年度報告，當中就透露咗高層們嘅收入，其中Tim Cook憑其年薪300萬美金，加上1070萬美金分紅，以及100萬美金津貼，最後出咗份1500萬美金嘅年薪，比起2019年時多咗28%。特別值得一提嘅係Tim Cook嘅300萬美金人工其實係固定嘅，津貼亦唔會有大變化，但分紅就由2019年嘅770萬暴升到2020年嘅1070萬。睇黎iPhone 12真係賣得好好啦。

如果你以為一年1500萬美金，即係近1.16億港紙已經好誇張，咁你就錯啦！因為Tim Cook上年啱啱簽咗份新約，除咗上面啲現金之外，佢仲可以得到170萬股Apple股份，照目前Apple股價黎計總值2.2億美金，即係17億港紙到。即係佢一年就搵咗我哋十世人嘅錢到啦。