去年起就已經有消息傳出，指美國有意加強對加密貨幣市場嘅監管，而近日俄羅斯透過加密貨幣市場迴避金融制裁就加速事情發展。據《Reuters》引述消息人士指，美國總統拜登將於本週內簽署行政命令，指示司法部、財務部等相關部門展開研究。

據《Reuters》報導，拜登嘅行政命令將會有180日限期，而各部門就要於限界內提交一系列關於「金錢的未來」，以及加密貨幣角色嘅報告，消息人士更指「於未來180日內，我們可能會見到顯著嘅政策改變，好可能係朝推出數位央行貨幣踏出一步」。據報美國司法部將研究，假若美國推出「官方數位美元」，是否需要增設新法例；而財務部、證交會、聯邦貿易委員會、消費者金融保護局等就會研究假若真係推出，對市場及消費者又有咩影響。另外亦會研究加密貨幣嘅競爭力、推出新幣所需嘅技術、以及挖礦造成嘅環境問題等。

但值得留意嘅係，拜登嘅行政命令只係屬「研究階段」，理論上研究完係可以因為報告唔建議而決定唔出官方數位美元。但至少可以肯定，研究完之後，美國政府就會對於監管加密貨幣市場就會有更多「彈藥」。

資料來源：Reruters