網球年終賽今年繼續於英國倫敦舉行，而其中今日一場關鍵一戰由「瑞士天王」費達拿vs祖高域，兩日於分組賽都係一勝一負，所以呢場對決將決定邊一位可以打入賽事四強。

最終呢場大家都非常熟悉嘅強強對決，費達拿以直落兩盤6:4及6:3擊敗祖高域，成功打入年終賽四強。而祖高域嘅出局，亦都隨即代表另一組嘅「泥地王」拿度確保獲得年終球王寶座，而今次亦都係拿度第五次成為年終球王。

雖然拿度確保成為今年年終球王，但佢目前於小組賽只係一勝一負，如果今日與Stefanos Tsitsipas嘅對決落敗，咁樣拿度將好大機會無緣四強。

而今次已經成功打入年終賽四強嘅球員分別係：費達拿、添姆及Stefanos Tsitsipas，剩餘一個位置究竟拿度可唔可以搶得到呢？而年終賽冠軍會唔會再次落入費達拿手中呢？