盤扭基本上喺一場足球比賽中必定會出現，而由2006年Opta數據出現後，巴塞阿根廷球星美斯以1880次盤扭成為盤扭之王，比第2位嘅夏薩特(合計效力：里爾、車路士及皇馬)多出660次。

佔據盤扭榜第一、二位嘅係美斯及夏薩特，而跟隨其後嘅就係列貝利(939次)、阿古路(832次)、C朗拿度(816次)，另外恩尼斯達及尼馬則分別以739次及734次排名第8及第10位。

從統計次數上黎睇，美斯有著明顯領先優勢，基本上佢每場比賽都有著極多盤扭，單係岩岩代表阿根廷嘅賽事就有數次非常精彩嘅過人，而相比宿敵C朗拿度，美斯足足比對方多出1000次盤扭。

不過，單計盤扭次數可能唔夠說明美斯嘅扭波能力，加上盤扭成功率，美斯以57.2%排名第二位，僅次於第一位嘅恩尼斯達嘅60.9％，而第三位嘅則係夏薩特(57.1%)，C朗拿度則以44％排名第10位。