自1979年首套「機動戰士高達」播映後，轉眼間黎到今日已經40週年，其中多套高達作品都成為經典，好似G高達、W高達、Gundam Seed、00等。而適奉40週年，全球首個「Gundam Run 高達跑」將於明年1月5日香港科學園舉行。

今次「高達跑」當然係以高達為主題嘅一個跑步賽事，其中將設有2公里Fun Run、5公里個人賽及10公里個人計時賽，當然你可以選擇當上「地球聯邦軍」又或者當「自護軍」啦。

而成功報名嘅參加者將可以獲得大會提供嘅高達精品，因應你參加嘅項目精品會包括有：索繩袋、高達T恤、徽章貼紙、充氣武器、毛巾等等。如你成功完成賽事則會獲得完賽獎牌，造型為自護或聯邦軍勳章，作為高達迷絕對係夢寐以求的。

另外，比賽當日現場亦會有不同攤位及高達限量精品出售，好似Tote Bag、金屬吊牌、相機帶、大型寄倉袋等等。