不少世界著名球星，在自己即將退役或退役之後都會悉心培養自己嘅兒女，希望佢地可以繼承自己嘅運動事業，就好似NBA嘅LeBron James、O’neal、Kobe Bryant，足球界嘅C朗拿度等等。而作為網球界嘅巨頭，38歲嘅費達拿距離退役已經不遠了，而佢4名兒女究竟會唔會有人可以繼承父親嘅事業呢？

費達拿於2009年與同樣係瑞士網球手嘅Mirka結婚，同年佢地誕下一對孖女，5年後又再誕下一對孖仔，因此一對女兒現在已經10歲，而一對兒子則係5歲。

作為一名歷史級別嘅網球手，費達拿日常生活絕對與網球分不開，因此4名兒女理應經常接觸到網球。不過，費達拿卻表示自己4名兒女當中，只有一名對網球稍為有興趣，但佢堅信運動是有益處的，所以無論未來佢地揀咩運動佢都會支持。

未來「費天王」4名兒女會否有人接佢班目前仍然成疑，不過從其他事例可以睇到，作為巨星二代都較難取得成功，就好似當年「籃球之神」Michael Jordan嘅兒子就未能繼承父業，當中黎自外界巨大關注成為不少人嘅壓力，所以反而如果嘗試其他領域的話，可能對其兒女更有好處。