今晚英超將會開快車，而其中焦點一戰相信必定係曼聯主場迎戰前領隊摩連奴領軍嘅熱刺。要知道當日曼聯炒摩帥係因為覺得佢領軍戰績差，點知喺新領隊蘇斯克查帶領下，球隊嘅戰績相比去年同期表現更差，令人質疑欠缺經驗嘅蘇帥根本無辦法帶球隊起死回生。

即將迎戰前領隊摩連奴嘅熱刺，蘇帥並無擔心，並直言自己已經有計劃對付熱刺。講真你信唔信？對上兩場英超賽事曼聯都係打和收場，而對手亦都只係維拉及錫菲聯，因此面對執教起熱刺已經取得三連勝嘅摩連奴，絕對會係蘇師一次重大考驗。

對於曼聯黎講，攻力其實唔算係最重要嘅問題，反而係後防失波問題嚴重，喺過去4場比賽佢地己經失左7球，所以面對攻力強大嘅熱刺，曼聯後防將好大機會錯漏百出。當然，熱刺嘅防守喺摩帥黎到之後，情況都唔算好好，過去3場比賽每場都要失兩球，所以曼聯亦都未去到全無機會的。

不過，對於曼聯黎講最大嘅擔心係，摩帥當日被球隊炒魷，今場回歸絕對會施展渾身解數，會唔會估佢唔到擺大個頭攻爆曼聯呢？大家一定要留意！