已經宣佈離開美職聯嘅伊巴謙莫域，有傳將會重返意甲，但就喺佢仲未回歸之前，佢已經開火炮轟新鮮出爐上季意甲MVP C朗拿度，並揚言朗拿度就只有一個，就係來自巴西的那一位。

伊巴謙日前接受訪問時被問到是否能在意大利找到真正嘅朗拿度，對此伊巴謙斷言無可能，因為朗拿就只有一個，佢係一名巴西人。明顯伊巴謙根本唔將C朗拿度夜在眼內，要知道伊巴謙嘅偶像就係巴西人朗拿度，因此為左奠定自己偶像嘅地位伊巴謙完全唔比面C朗。

伊巴謙又指，C朗拿度只係透過訓練而變強，單論天賦佢遠不及朗拿度。而C朗最終選擇與祖雲達斯簽約絕對係一個安全嘅決定，因為佢加盟嘅係已經連續8年贏得意甲冠軍嘅球隊，所以加盟呢支球隊根本毫無挑戰性。如果C朗真係想搵挑戰嘅話，應該當祖記跌落意乙嘅時候加盟，然後帶領重返意甲，再贏聯賽冠軍。

伊巴謙重返意甲睇黎勢在必行，但究竟佢會加盟咩球隊呢？佢會係想接受挑戰加盟中下游球隊，還是加盟有力爭冠嘅球隊呢？