Michael Jordan作為「籃球之神」係籃球界嘅傳奇，即使退役後其價值不跌反升，甚至引來大陸公司創建山寨版，其中喬丹體育可以話係山寨得最成功的公司。不過作為NBA最不服輸嘅球員，Jordan又點會放過呢間侵權嘅公司，而日前Jordan終於獲得終極勝訴，令喬丹體育嘅「喬丹+圖形」商標正式被撤！

據內地最新消息指，中國最高人民法院對於此Air Jordan品牌狀告喬丹體育商標侵權案作出裁決，判決喬丹體育敗訴，其商標及圖形需要被撤。

據《邁克爾·傑弗里·喬丹、國家知識產權局商標行政管理（商標）再審行政判決書》表示：被訴裁定、一審、二審判決認定事實和適用法律均有錯誤，應予撤銷。亦即係話喬丹體育第25類服裝鞋帽襪等商品上的6020578號「喬丹+圖形」將不能再被使用。

第25類服裝包括：游泳衣、鞋、爬山鞋、帽、襪、皮帶（服飾用）、舞衣、婚紗、睡眠用眼罩、防滑鞋底等商品。

今次終極勝訴，相信Jordan真係唔使再喊出黎啦！