男人違規都同女人有關。自英國實施禁足令，多位過度活躍的英超球星先後出事，例如曼城後衛基爾獲加(Kyle Walker)在家中大搞性派對，受盡輿論狂插，不僅口味被網民嘲笑，事後又要道歉又遭重罰，甚至面臨被踢出國家隊的厄運，呢一「射」代價不菲啊！

聽返歌神許冠傑的名曲，無疑百般交集，「每局都光怪陸離」，基爾獲加的情史就是「光怪陸離」的寫照。這位29歲英格蘭右閘繼年初被踢爆一腳踏三船，背棄相戀10年的初戀女友，滾大了「不孕女生」後，早前呼籲球迷遵守隔離令，佢自己卻其身不正，就在隔離令前一晚在豪宅舉辦雜交派對，講一套、做一套。

話說公開呼籲前的晚上10點半，佢叫咗一個男性友人和兩名高級應召女郎到家，其中一個是21歲大學生Louise McNamara，另一個24歲森巴辣妹。你以為成件事好香艷？卻說Louise面大如餅，粗壯如牛，上圍誇張美感欠奉，一般男生都會歸類為「豬扒」，「講還講最好唔貼圖」系列。

Louise在曼徹斯特大學修讀犯罪學，她指當晚4人大戰到凌晨2時左右，「他是偽君子，明知咁近距離運動會增加感染風險，卻邀請陌生人到住所，然後又一臉正氣呼籲其他人留在家中。」收了肉金2200鎊後，Louise依然忍不住篤灰。獲加道貌岸然的假面具被揭，馬上公開道歉，但也被曼城罰款25萬鎊，計條數，呢次派對「總支出」就要240幾萬港幣，仲未計被人笑、被人鬧，教訓真係痛過刀仔拮大髀。仲唔止，英格蘭主帥修夫基已計劃踢走佢，來年歐國盃都冇佢份！

抗疫期間，因女人而弄得一身蟻的歐洲球星，還有切爾達前鋒Fyodor Smolov和皇馬新星Luka Jovic。22歲的Jovic轉投皇馬後人氣大跌，早前違反禁令回到塞爾維亞，慶祝30歲索女友Sofija Milosevic的生日，將面臨牢獄之災，同時令葡萄友大跌眼鏡。身高5呎10的Sofija自14歲出道，在模特兒界知名度極高，Instagram粉絲達49萬，經常現身米蘭和紐約台板。

比起Jovic，Smolov算是情有可諒，因為擅自離開鎖國的西班牙返回俄羅斯，查實是探望大肚的未婚妻，而且後者來頭極猛──前俄國總統葉利欽的孫女，今年先係卜卜脆的18歲，難怪大12年的Smolov咁緊張。老實講，好多成功男人都衰在女人手上，男人擁有獵人的本能，加上運動員精力旺盛，被禁足在家百無聊賴，確實唔容易勒緊褲鏈，但呢個都唔應該係藉口，你睇香港人都捱了3個月喇，真係要為自己打打氣。