一共10集講述「籃球之神」Michael Jordan嘅紀錄片《The Last Dance》近日在ESPN上播出頭兩集，並隨即成為球圈熱話，甚至可以話再次燃點Michael Jordan嘅熱潮！

即使作為傳奇級球員，好似Dwyane Wade亦表達了自己對《The Last Dance》嘅熱愛，佢表示如果自己有三個願望嘅話，其中一個願望必定會要求睇《The Last Dance》。可想而知呢套紀錄片對於球圈中人有幾咁熱切期待！

對於年輕一輩嘅球迷可能只係可以聽到Jordan如何統治聯NBA，或睇佢嘅精華片段，但佢究竟如何影響NBA及籃球，從《The Last Dance》可能可以獲得不少啟發。

而Jordan呢套紀錄片《The Last Dance》究竟有幾強勁，從數據中大家可以略知一二。當日播放嘅平均收視人數(今次唔係點擊數)達到610萬人，其中第一集嘅收視更高達630萬人，這創造了ESPN紀錄片嘅收視紀錄，此次紀錄為美式足球員Bo Jackson嘅紀錄片，收視人數為360萬人，雙方差距達到250萬人，可見Jordan嘅魅力。

另外，在《The Last Dance》播放後，NBA2K表示使用傳奇公牛隊嘅玩家人數上升了左67％，明顯大家都想試下使用Jordan呢位最偉大嘅籃球員嘅滋味！