目前武漢肺炎仍然全球肆虐，大家可以安心出街嘅日子真係唔知要等到幾時，不過相信各位都一定無停過幻想武肺過後出街第一件事會做咩，而如果話你知係一次同碧咸踢波嘅機會，相信不論男女都一定會尖叫！

近日碧咸參與「All in Challenge」慈善賽，向球迷拍賣可以與佢一齊踢波嘅五人賽，目的為慈善機構進行籌款，以幫助有需要人士度過武漢肺炎侵襲嘅時期。

成功投得嘅球迷，將有機會與碧咸組隊踢波，又可以與佢及其隊友一齊食Lunch，最後更可以到碧咸嘅邁阿密國際球隊新球場嘅老闆包廂中觀看一場邁阿密國際嘅比賽。