武漢肺炎自從由中國傳至世界各地後，歐洲較早前疫情非常嚴重，但近期終於有緩和跡象，不過足球聯賽方面荷甲已經宣佈今季提前取消，而作為歐洲五大聯賽之一嘅法甲亦緊隨其後宣佈賽季取消。 而另一邊廂嘅英超則有傳可能於6月重開，但實際日子未有定案。

較早前，荷甲率先宣佈今季聯賽提前取消，無冠軍，亦唔會有升降班，對於處於降班區嘅球隊絕對會開香檳，但荷乙有機會升班嘅球隊就真係喊出黎。而法甲今日亦宣佈提前結束賽季，原因係法國已經宣佈今年9月份前禁止舉行超過5000人嘅大型體育賽事，所以今季法甲將難以繼續。

本來法甲今季由巴黎聖日耳門領先，本有望實現聯賽三連冠，但如今無奈失冠。不過另一邊廂嘅英超已經蠢蠢欲動，有望於6月嘅時候重開聯賽。

據指有英超球隊向員工通報6月13日將會重啟英超賽事，最早甚至可以於6月6日重啟，而球隊嘅訓練亦將會陸逐展開。當然，社交距離控制仍然需要持續，但相信要求將會慢慢放寬，對於球迷黎講絕對係福音，特別係利物浦嘅球迷！