作為著名曼聯七小福之一，菲臘利維尼自1990年開始於曼聯接受青訓，直至2005年離開轉投愛華頓，當時嘅佢都只係28歲。對於昔日離開曼聯，菲臘仔表示主因係難以忍受自己出賽竟然排喺平庸之輩之後。

菲臘仔效力曼聯11個球季，上陣386場，協助球隊奪得6次聯賽冠軍、1次歐聯、3次足總盃等。不過，即使有豐功偉績撐腰，菲臘仔於2004-05球季開始上陣次數大減，其中一個原因係上陣時間被基巴臣同迪贊巴-迪贊巴分薄了。

如果自己因為更出色嘅球員而被迫無得上陣，菲臘仔表示接受，但佢卻認為基巴臣同迪贊巴-迪贊巴只是平庸之輩，自己要比二人表現更好更出色。

「在過去18個月，每兩三週先出場一次或連續兩三場比賽之間先有機會出場一次，這對我黎講絕對不足夠。我與費Sir傾談，我地二人都覺得情況好困難，離開可能係最好嘅選擇。」

對於為何情況會咁困難，導致最終要離開曼聯，菲臘仔承認自己於場上作為多功能球員反成為障礙。於場上能夠踢閘位又能夠踢中場嘅菲臘仔認為，自己永遠無辦法長期踢一個位置，雖然呢樣係佢嘅價值，但佢認為若困當日自己能夠只係踢一個位置，佢嘅成就可能更大。