你對「萬人迷」碧咸(David Beckham)的第一印象係點? 相信大部份人都應該會先係覺得佢靚仔，其中就包括其前隊友加利仔。

作為「92黃金一代」嘅成員，碧咸同加利仔在青訓已經認識，其後更一齊協助曼聯奪得6次聯賽冠軍及1次歐聯冠軍。二人嘅關係非常緊密，甚至加利仔更加係碧咸婚禮上嘅伴郎。

而昔日對於碧咸嘅第一印象，加利仔表達自己第一眼已經愛上對方:「我第一眼就已經愛上他(碧咸)，佢嘅外表、身型，佢對波boot永遠都係完美的，仲有鞋帶永遠都會挷得非常工整，一切都非常乾淨整潔，我希望未來有一天可以成為佢嘅伴郎。」

「我記得當日遇見佢，佢嘅髮型完美地gel起，完美嘅曼聯隊服、完美嘅白色波boot，而我地其他人嘅裝備卻非常破舊。」

雖然碧咸看似同「92黃金一代」嘅人非常親密，但其實佢14,15歲才轉到曼聯嘅青訓營，而當時加利仔、史高斯、傑斯、畢特等人已經早早認識，所以碧咸嘅加入並唔係想像中咁輕易，但最終佢都係成功左，並成為如今全球嘅超級巨星，世界上所有人都認識佢。