早前有訓練片段流出而引起轟動嘅前前重量級拳王泰臣，預計即將重返擂台，其中對手包括曾被泰臣咬耳仔57歲嘅何利菲德。另外早前成功擊倒Deontay Wilder嘅Tyson Fury亦已經答應會同泰臣打，究竟泰臣面對比自己年輕20歲嘅Fury仲有無贏嘅機會呢?

可以睇到，53歲嘅泰臣近期積極備戰，身型越黎越Fit，胸肌腹肌全部番晒黎。睇番以前退左役嘅佢，曾經放肆飲食而暴漲，大肚腩突晒出黎，但係估唔到如今竟然可以收身都咁嘅程度，真係再次驗證只要肯努力，身型一定可以重建的。

對於挑戰Fury，如今嘅泰臣絕對係越級挑戰，無論係年紀方面，就算身型上都輸唔少，其中Fury身高6呎9吋，但泰臣就只有5呎10吋，再加上體能上嘅分野，如今嘅泰臣真係較難有勝算。而如果以巔峰期嘅泰臣作比較，雖然Fury個人技術可能更高，但力量上泰臣相信會有壓倒性嘅優勢。