網球界近期可以話令人擔心，因為唔少比賽因為肺炎疫情取消，而較早前由網球一哥祖高域舉辦嘅「亞德里亞巡迴賽」表演賽，卻意外成為播毒嘅媒介，甚至連祖高域自己亦染上新型肺炎。

而作為四大滿貫之一嘅法國網球公開賽，目前已延期至9月下旬展開，到時嘅疫情如何暫時無人知道，但大會方面卻已經宣佈將會准許球迷入場觀戰。

法網大會表示，將會准許50%-60%觀眾入場觀戰，在決賽前嘅比賽大概准許20000人入場，而決賽則會安排10000名觀眾入內。

准許球迷入內，大會亦唔係完全無安排的，佢地將會嚴格進行防疫措施，其中包括球場內最多只准許4人坐埋一齊，之後要留有一個空位，而入場觀眾在球場內走動時必須戴上口罩，就座時則建議戴上口罩。

雖然係咁，但始終傳染風險仍然好高，祝入場嘅球員及球迷好運了。