即使新型肺炎仍然未有得到消退，本年度嘅桌球世錦賽仍將於7月31日英國舉行，並有機會試行讓球迷入場觀戰。不過，作為傳奇級球手嘅「火箭」奧蘇利雲則表示：「比賽有球迷，就無佢！」

英格蘭作為英國一部份，新型肺炎問題雖然緩和了不少，但當人多聚集風險仍然非常高，不過英格蘭政府就希望今年10月可以讓體育比賽回歸正常，而前提係有部份比賽需要先嘗試回復正常，看看反應，而當中桌球世錦賽就係其中之一。

對於讓球迷入場觀看比賽，「火箭」百般不情願，佢覺得2021年前室內都唔應該聚集人群，否則讓幾百人入場的話，佢將好大機會拒絕參賽。

現年44歲嘅「火箭」，目前世界排名下跌至第六位，因此世錦賽亦只能成為第6種子，但佢依然係桌球界嘅絕對台柱，世錦賽官方必定唔想見到「火箭」退賽的。