隨住足球牽涉嘅銀碼越黎越大，後生又要「尋求挑戰」，球員甚至頂級球星幾年轉一次會都唔係啲新鮮事，亦令能夠做到「One Life One Club」嘅頂級球星更令人景仰。而呢份名單中，就有終生效力羅馬嘅意大利國腳、人稱「王子」嘅托迪。而托迪本人有份參與、以第一身角度講述佢24年羅馬生涯的紀錄片《My Name Is Francesco Totti (Mi Chiamo Francesco Totti)》即將於明日羅馬電影節中上映，並公開咗英文版預告。

預告請去《Deadline》睇

《My Name Is Francesco Totti》由意大利藉導演Lorenzo Mieli及監製Mario Gianani製作，實際執導嘅係Alex Infascelli，三個人全部都係羅馬人。從預告中可見，紀錄片會由托迪為羅馬建功立業、講到自己結婚生仔，再到06世界杯前夕嚴重受傷、奇蹟復原後協助意大利奪得世界杯冠軍嘅過程，再到2017年掛靴為止。

值得一提係製作團隊中仲有Amazon Prime嘅身影，所以好有可能會於Amazon Prime上線。