日本疫情持續，最新就有日本相樸界最高段位、「橫綱」白鵬確診，甚至可能會導致其職業生涯提早完結。

圖片：AFP

白鵬原名「白鵬翔」，係一名來自蒙古嘅相撲選手，亦係目前日本相撲界中段位最高嘅「橫綱」，以及日本相撲史上最多優勝紀錄保持者。據《NHK》報導，白鵬於昨日發現自己嗅覺有異樣後去睇醫生，做過PCR檢測後今日發現確診肺炎，連帶年尾與其接觸過嘅同一部屋 (類似同一間公司咁啦) 嘅其他力士都要進行檢測。

圖片：Wikipedia

白鵬於2020年3月嘅「春場所」取得第44次優勝，乃係日本相撲史上最多紀錄，但之後就因為膝傷手術而多次缺席比場，最後於11月被橫綱審議委員會發出「注意」警告，僅次於最高級別嘅「引退勸告」。而白鵬原定就會參加1月10日至24日舉行嘅「令和三年一月場所」，確診之後相信都無法參加，或者會影響其相撲生涯。