2012年宣佈退役嘅「桌球皇帝」亨特利，相隔9年後以52歲之齡突決定重返職業賽場，在收到外卡之下終在正在舉行嘅2021桌球世錦賽資格賽中回歸桌球戰場，相信一眾桌球迷一定有種莫名感動。

重返職業賽嘅第一戰，亨特利嘅對手係老對手58歲嘅「白旋風」Jimmy White。而有趣嘅係，二人係首次喺世錦賽資格賽中對上。開局初亨特利並未搵到手感，相反年齡雖大但一直有參加職業賽嘅White明顯狀態較好，入局更快，最終White以65-8輕鬆拎走第一局。

不過「桌球皇帝」之名真係唔係浪得虛名，只係適應左一局之後，第二局開始亨特利逐漸找回手感，並喺逆境之下成功反Cap，最終連贏三局領先3:1進入休息時間。

休息之後亨特利依然得勢不饒人，就算第六局White在領先62:0之下，竟然單桿轟出66分，最終逆轉贏左呢一局，從而以5:1大幅領先。破斧沉舟下，White咬緊牙關搶番兩局，以3:5落後。不過去到第9局，亨利特終於無比勝利流走，順利轟出單杆52分，最終以93:0完勝呢一局，並以6:3擊敗對手，復出戰終以勝利離開球場。

能夠再一次睇亨特利征戰職業賽，已經係令人難以置信，更何況今場可以睇到呢位「桌球皇帝」嘅逆境波非常出色，實在令人感動。唔知幾時可以再睇到，亨特利大戰奧蘇利雲嘅夢幻對決呢?