打桌球技術當然重要，但係有時候都唔可以唔講運氣。而日前桌球世界錦標賽資格賽第3圈，就出現神乎其技嘅一Cue。

英格蘭球手Louis Heathcote於比賽去到第8局嘅時候，領先緊局數4:3嘅佢，喺台上面得番顏色波，而接住一定要打黃波，但面前又被隻黑柴阻住左，最終佢竟然成功打出匪夷所思嘅一Cue，呢一Cue甚至勁到被多間媒體稱為「最神嘅一Cue」。

呢一Cue講緊係將個白波打向袋口邊，利用反撞原理連撞兩下竟然彈向黃波方向，最終更將黃波成功打入，究竟係Louis成功計算好撞擊角度，定還是真係好彩到咁? 咁就真係佢先知啦，不過呢一神Cue都唔可以救到佢，最終呢一局佢都係要輸，而最後總局數亦被對手反超而出局。