幾時都話有球迷先有球隊，作為球隊一定要記住呢樣野。而作為今季荷甲冠軍嘅阿積士，就深明呢個道理，甚至願意為球迷熔化聯賽冠軍獎盃！

由於疫情關係，全球每一支球隊過去一季都處於艱難嘅地步，能夠走落去全因為有球迷嘅支持，而阿積士因此決定將岩岩奪得嘅荷甲冠軍獎盃熔掉，然後打造42000粒小型冠軍星星，每粒星重量3.45克，當中0.06克係黎自冠軍獎盃的。

過去一季，阿積士喺無球迷嘅情況下進行左30場賽事，而從今日開始只要持有季票嘅球迷都可以獲分發一粒星星，讓球迷都可以共同擁有冠軍獎盃嘅一部份，佢地個心相信絕對會被俘虏，並更強烈支持球隊。