能夠同「不敗拳王」Floyd Mayweather上擂台對拳，對於唔少拳王黎講都係夢想，因為一場比賽將可以令自己嘅人生反轉，就好似「寸咀拳王」Conor McGregor咁，一場對決就算落敗都足以令你成為明星拳手，賺錢機會唔使再憂。

不過，近日就有拳手拒絕同Mayweather對決，佢就係曾經打低McGregor嘅戰鬥民族「全勝拳王」Khabib Nurmagomedov。呢位32歲生涯29戰全勝嘅俄羅斯拳手，近日就被其經理人爆出拒絕同Mayweather一戰，原因係之前對母親許下嘅承諾。

消息指，已經選擇退役嘅Khabib有唔少人邀請佢出山再戰，除左三奪UFC冠軍嘅Georges St-Pierre，仲包括Mayweather呢位。不敗拳王」，要知道據報Khabib嘅出場費達到1億美元，但都係照樣被拒絕！原因係Khabib嘅父親離世後，Khabib應承母親唔再打比賽，就係咁喺巔峰位置宣佈退役。

視錢財如糞土咪就係好似Khabib咁囉！