運動界久唔久都會傳出打假波或食禁藥嘅消息，好似中國游泳名將孫楊就因拒絕接受藥檢被停賽4年有多。而近日印尼羽球名將陶菲克就爆馬來西亞羽總大獲，表示當年對方曾以重金利誘佢輸比李宗偉。

陶菲克近日突然爆出，2006年多哈亞運期間，有一位黎自馬來西亞嘅官員就曾私底下搵佢傾計，希望佢放水輸比其馬拉球手前一哥李宗偉，並指會比4億印尼盾(約21萬港元)作交換。最後，陶菲克梗係拒絕對方打假波嘅要求，並將李宗偉打敗，最後決賽更打贏埋林丹奪得金牌。

陶菲克咁樣爆料，馬拉羽總有無澄清? 佢地發言人表示，佢地係唔會原諒涉及打假波嘅人，並希望喺佢地嘅監督下唔會發生咁嘅事，言下之意當年嘅官員都真係有好大機會咁做，只係究竟佢而家仲係唔係馬拉方面嘅官員呢，咁就無從得知啦。