C朗拿度回歸曼聯，令球隊上下都興奮無比，而更重要嘅係其戰績及其他曼聯球員嘅表現亦因此而有所提升，這當然係得益於C朗恐佈嘅自律性及影響力。

要數C朗自律性嘅其中一樣恐佈事項，相信就係其飲食習慣，而作為球迷嘅你應該都知道佢食嘅野有幾健康，甚至佢嘅隊友都驚要同C朗食飯，因為個餐一定無啖好食。

而據消息指，為左讓曼聯有爭冠嘅能力，C朗已經說服曼聯嘅廚師為佢鍾意嘅食物加入球隊食堂嘅餐單之一，亦即係話其他曼聯球員只要想都可以食同C朗一樣嘅餐單。不過曼聯內部消息就指，暫時無一位球員對C朗嘅餐單有興趣。

C朗現時基本上一日最多會食6餐，而當中佢最鍾意食嘅係葡萄牙傳統燉菜，菜式係用鹽鱈魚及雞蛋製作，聽都覺得健康。另外，消息亦指C朗好鍾意食八爪魚、火腿片等高蛋白嘅食品。