現年34歲嘅前曼城球星拿斯尼(Samir Nasri)，日前宣佈掛靴，據指因為佢一直無班落，所以決定就此掛靴，離開職業足球場。

足球生涯由馬賽開始令人認識，到轉戰阿仙奴，及其後嘅曼城，並於曼城奪得兩次英超冠軍。其後拿斯尼於2016-2017球季被外借至西維爾，期間被裁定違犯世界反禁藥組織禁止運動員注射任何液體嘅指引，最終被判停賽18個月。

而停賽18個月基本上摧毀左拿斯尼嘅職業生涯，即使停賽後佢亦已經無咩機會，佢於2019-2020球季短暫效力安德烈治，但只係踢左7場比賽，之後雖然有傳部份法甲球隊有意羅致佢，但佢本人卻拒絕加盟，因為唔想同母會馬賽為敵。

整個職業生涯，拿斯尼一共上場過519場比賽攻入73球，其中分別為阿仙奴及曼城分別攻入27球。