日前阿根廷對荷蘭世界盃8強賽事，西班牙藉球證Antonio Mateu Lahoz一共派出18張黃牌，創下世界盃單場最多黃牌紀錄，引起球迷熱議。據外媒最新消息，呢位備受爭議嘅球證唔會再為餘下賽事執法，提早返歸。

（圖片來源：theathletic）

上周五阿根廷淘汰荷蘭一戰峰迴路轉，阿根廷憑上下半場各入一球一度領先2：0，但後來被荷蘭喺臨完場前20分鐘連轟兩球逼和2：2，雙方戰至加時賽亦無紀錄，最終阿根廷憑互射12碼以4：3晉身4強。除咗精彩刺激嘅比賽，西班牙藉球證Antonio Mateu Lahoz亦令球迷印象深刻，事關佢喺賽事中共派出破紀錄18張黃牌及1張紅牌，其中有3張黃牌更係互射12碼階段派出。

雖然阿根廷順利晉級，但美斯賽後就對球證表現感到不滿：「我唔想討論球證，因為佢哋會懲罰你，但發生咗咩事大家有目共睹。我認為FIFA必須考慮一下，唔可以喺如此重要且盛大嘅比賽安排一個咁嘅球證，唔可以安排一個無法勝任嘅球證。」

Argentinos descubren a Mateu Lahoz pic.twitter.com/04bpw1Pvv6

— Matilde (@duhalde_matilde) December 9, 2022

據外媒《BBC》報導，FIFA已經決定嚟緊4強賽唔再畀Antonio Mateu Lahoz擔任球證，換言之佢將會退賽提早返歸。順帶一提，為免偏幫自己國家之嫌，曾喺葡萄牙對摩洛哥一戰執法嘅阿根廷籍球證Fernando Rapallini及Facundo Tello亦會退出比賽。