《星球大戰》繼早前與adidas Running展開合作後，近日再次推出全新Crossover跑鞋，主題則以絕地武士尤達大師及三大主角之一嘅莉亞公主作為設計靈感。

今次adidas x STAR WARS系列，兩款新鞋以橄欖綠色及白色為主色調，其中橄欖綠色明顯就係尤達大師，鞋身三間及後跟支架位置採用裂紋皮革材質打造，質感成功呈現尤達大師嘅感覺。另外，鞋各上印有尤達大師嘅圖像，而後腳跟亦寫上「YODA」以增加鞋身細節位。

另外一對白色嘅就係以莉亞公主為色調，鞋款嘅三間及後跟支架位置同樣以皮革材質打造，加上鞋身加入不規則嘅圓形線條作為裝飾，鞋舌及後腳跟位置則與「YODA」鞋款一樣分別印上莉亞公主嘅圖像及「PRINCESS LEIA」字樣。

明顯今次兩款鞋嘅設計上，以質感為主，檔次增加唔少，設計亦相對簡潔，但有唔少細節位，對STAR WARS特別有興趣嘅絕對值得一試。