日本BANDAI見上次反應唔錯，最近就宣布推出「MS系列家居服」第二彈，今次將以劇場版《機動戰士高達 馬沙之反擊》嘅沙薩比同ν高達為靈感，設計出舒服又型格嘅家居服。唔知著完係咪可以有三倍速呢？

同上次一樣，每套家居服都有一件T-Shirt、一條Boxer同一對襪，不過喺官網就無得一套過咁買，要自己逐Part買去砌返一套出嚟。咁都有好處嘅，大家可以自由組合，整返套沙薩比T-Shirt配v高達Boxer都幾過癮。

T-Shirt印有機體胸甲圖案，而v高達版本手臀上更印有v高達Logo，售價為4,400日圓（約$310港幣）

Boxer方面採用裙甲圖案設計，褲頭帶仲有埋機身編號，著上身應該會非常搞笑，更可能會有「三倍速」！售價為3,850日圓（約$270港幣）。

而襪嘅部份就參照咗機體足部設計，腳跟後方印有機身編號，售價為為1,980日圓（約$140港幣）。

資料來源：日本BANDAI