當然，呢個行為可以說是無傷大雅，但有專家表示，有5項與個人私隱有關嘅事宜，就最好避免上載至facebooe，以免產生危險！

1.日常習慣

每日習慣將行程上載至fb，例如邊度做gym、嘆早餐、蛇王等等，呢一類你必然會出現嘅地方，就請你唔好「打卡」，因為好易被人跟到你，就算你唔係憶萬富豪，唔怕俾人綁架都係咁話啦！

2.目前位置

請將自己去到邊tag到邊嘅習慣改改，俗語講得好「有心人裝無心人」，如果你喺獨居嘅，萬一你要出國，而你又將目前位置上載到facebook，兼爆埋歸期，咁就個個都知你屋企正在等人「光顧」，歡迎幫襯囉。

3.生日日期

明白大家生日時都想收到四方八面嘅祝福，但其實生日日期都係屬於私穩一部份，例如你作任何登記或証明，都需要你提供生日日期以核實身份，所以呢，千祈唔好睇少生日日期嘅重要性。

4.感情狀況

個人感情狀態，都最好避免在facebook之中表露，雖然你已經設定個人資料，只給親密好友先可以睇到，但電子世界邊話有百分百安全，萬一俾心懷不軌嘅人知道你單身，刻意埋身討好搵著數，都幾麻煩吓！

5.仔囡資料

仔囡嘅可愛臉蛋，父母一定最想開心share，但記得其餘資料，包括就讀邊間學校、幾年班、學號等等就唔好大方地公開，有可能呢類壞人會拎住呢類資訊帶走你小朋友，以防萬一。