要即時提升個人Style，唔駛一定要洗一大筆錢，去請個Stylist返嚟幫你補鐘嘅！

只要你學曉以下10招，完全無須「現兜兜」教學費，都可以提升你嘅個人style。

第一式︰學識縫製

嗱！咪咁大男人呀，話男人老狗點可以走去學縫製呀吓！而家不知幾hit啲人自己縫袋、縫衫，可以將個人風格完全反映喺縫製物件上，呢啲先叫獨特呀！

第二式︰換鈕門

學識縫製，你就可以將買番嚟嘅衫褲鞋袋，加入自我元素，例如，將恤衫或外套嘅鈕門更換，換上自己配搭嘅鈕門，甚至可以每粒都唔同，只要襯出獨有風格就大功告成。

第三式︰健身
要著衫著得好睇，副body都有好大關係，操番靚個body嘅話，就幾乎簡單T恤牛仔褲都著出自信！之前小編搵嚟趙勁皓教喺公園做健身，快啲搵番條片跟住做啦！

第四式︰換鞋帶

買球鞋嘅時候，好多時都會附送多一兩條鞋帶俾客人更換，通常顏色都比較sharp，讀者們有無諗過將佢哋轉用至皮鞋或皮鞋身上，令到佢哋變得causal，感覺可以好截然不同。

第五式︰翻新牛仔褲

大家屋企總有兩三條著舊咗嘅牛仔褲，不妨以patchwork形式翻新，又或將牛仔褲拼貼喺你現時常著嘅牛仔褲上面，點綴一下又喺一條「好褲」！

第六式︰偷上一代衣物
「古老當時興」呢句說話非常好用，時裝喺一個大循環，廿年前嘅設計而家都可以興返轉頭，所以呢，今晚即刻行動，一於摷一摷問阿爸甚至阿爺個衣櫃，又慳番啲錢唔駛專登買古著。