小編有唔少男性朋友，都喺Club Monaco The Men's Shop嘅粉絲，間唔中就會自動自覺走去位於灣仔進教圍嘅獨立男裝店「朝聖」，係少數品牌走小店精品格局路線，而取得成功嘅鋪頭。

品牌應該「食過翻尋味」，知道呢條路線work就keep住唔好俾佢停，仲野心勃勃發大嚟搞，選址呢排好旺場開品牌新店嘅銅鑼灣Fashion Walk，開設……「健身房」！？唔通大眾健身潮真喺厲害到連時裝品牌都要染指？

Sorry，原來睇錯，實情係Club Monaco喺香港第二間獨立男裝店，設計概念源自古老健身房及更衣室，成陣剛陽味散晒出嚟先至會睇錯。查實品牌喺門面佈置不嬲都有一手，唔sell high class堂皇格局，轉走文化溝時尚路線，呢種soft sell手法現代人最buy，加埋今季集中以運動服潮流為重心，好難唔吸客。

除咗自家品牌之外，仲有搜集其他國外現時幾hit嘅男裝擺係新店寄賣，包括紐約 Vianel 小型皮具用品、巴黎Cote et Ciel 背囊以及意大利 Dan Ward 皮革涼鞋等等 。新店開幕當日，仲搵嚟兩大男神，王宗堯同伍家謙助慶。