例如，要死跟當今至型男人David Beckham嘅造型一啲都唔難，click入佢個官方IG（@davidbeckham），就見到佢近排除咗戴冷帽之外，就見到佢5月24及26日個造型，都同時戴咗頂畫家帽，睇嚟下一股「帽潮」，Beckham已經買定畫家帽會hit。

另外，佢一身caual smart造型都易於follow，長袖裇衫外加一件圓領薄冷衫，下身襯條少許窄身嘅黑色長褲，踩對現時至潮嘅addidas stan smithlow cut波鞋，完全無得輸！當然，要等天氣涼番啲，或去國外其他地方，氣溫較低先好follow啦！

其實，Beckham先生嘅打扮不嬲有自己一套，唔會太貼近現時潮流（反正佢個樣都夠殺），但反而咁樣可以營造佢自成一格嘅襯搭，變成男子組嘅型人指標。