走出現實場景，Gieves & Hawkes最新動作就真係搵咗飾演Lord Grantham嘅著名影星Hugh Bonneville，認為佢係最適合人選，幫品牌示範英國女皇代表出席嘅皇家賽馬會（Royal Ascot）中經典嘅紳士著裝，亦即係最高級別嘅Royal Enclosure紳士晨禮服。

簡單介紹番，英國皇家賽馬會(Royal Ascot)係1771年由英國安妮女王創辦，至今已屬於英國方面最負盛名嘅年度賽馬盛事，包括女王在內的英國王室成員，以及來自世界各地嘅貴賓都會盛裝出席活動。

而Gieves & Hawkes作為英國皇室百年經典紳士著裝顧問，當然要幫手睇緊番服裝規格要求，因為，會內嘅貴賓席區域設有嚴格嘅著裝規則，同時分成三類入場門票，包括Royal Enclosure, Grandstand Admission和Silver Ring，唔同嘅入場資質對賓客都有唔同嘅dress code，級別如下；

Royal Enclosure
僅限皇室成員與資深會員，憑請柬入場。入得呢個區域，意味最接近英國女王，所以dress code要求亦最嚴格。按照規定，出席Royal Enclosure嘅男士都需要穿晨禮服 (Morning Dress)入場，規格如下：

外套︰晨禮服外套應為黑色或灰色，並搭配晨禮服西褲。
西服馬甲及領帶：必須穿與晨禮服相配嘅西服馬甲，佩戴領帶
（不能以佩戴領巾替代領帶）。
高頂禮帽：男士必須戴黑色或者灰色高頂禮帽。
皮鞋：男士必須穿黑色系帶皮鞋。

Grandstand Admission
僅次Royal Enclosure購買嘅高級入場券，著裝規則相對寬鬆，要求男士必須穿西裝、襯衫，打領帶出席。禁止穿著運動服、牛仔褲和短褲入場。

Silver Ring
鼓勵觀眾參與賽事嘅普通入場券。雖然無正式著裝要求，但主辦單位鼓勵參加者盡量穿正裝出席。

今年皇家賽馬會將於6月16日至20日舉辦，將吸引30萬來自世界各地粉絲到場欣賞。